|
大家最近有冇發覺响RoadShow流動多媒體嘅巴士上，每當有現代浪漫英文情歌出現嘅時候，就會有一隻好可愛嘅熊仔出現呢??
佢就係RoadShow最新嘅主持-啤啤熊喇! 佢每日都會响全城『至冧情歌時段』，介紹好好聽嘅英文情歌比觀眾欣賞。
啤啤熊得意又可愛，
個性浪漫之餘仲識逗人開心㖭呀! 佢嚟咗RoadShow一個星期，就同靚女主持Angela做咗好朋友喇!! 唔知Angela係唔係比啤啤熊嘅浪漫性格感染咗呢?
每次見到Angela，佢都好開心，好似沐浴响愛河中咁樣! Angela仲為啤啤熊『至冧情歌時段』親自題筆寫下綿綿情話㖭，觀眾可以一邊聽情歌，一邊了解Angela嘅少女情懷，你話係唔係好浪漫呢?
鍾意浪漫嘅你，由現在開始RoadShow主持人啤啤熊同Angela每日都會陪你渡過最浪漫嘅音樂旅程!
|
